Европын холбооны санхүүжилттэй Swap and Transfer хөтөлбөртэй Монгол Улсын Их Сургууль нь хязгаарлагдмал эрхтэй түнш их сургууль болж хамтран ажилладаг бөгөөд зорилтот бүлэг 2-т хамрагддаг юм.
Өнөөдөр (2013 оны 12 сарын 9) МУИС-ийн Гадаад харилцаа хамтын ажиллагааны хэлтэсээс SAT хөтөлбөрийн танилцуулах уулзалтыг зохион байгуулж, хөтөлбөрийн талаарх дэлгэрэнгүй мэдээллийг оюутан залуус, багш албан хаагчдад өглөө.
ERASMUS MUNDUS-ын SAT хөтөлбөрт Азийн орнуудаас 10, Европын орнуудаас 8 их сургууль (University of Innsbruck, Austria; University of Chemical Technology and Metallurgy – Sofia, Bulgaria; University of Cyprus, Cyprus; University of Easter Finland, Finland; Technical University of Dresden, Germany; University of Oviedo, Spain; Warsaw School of Economics, Poland; Universidade do Minho, Portugal) хамтран ажилладаг бөгөөд Монголоос нийт 17 хүн энэ хөтөлбөрт хамрагдаж, Европийн дээрх 8 их сургуулиас нь сонгон суралцах боломжтой.
Хөтөлбөрийн бүртгэл 2014 оны 1 сарын 31-ний өдөр хүртэл явагдана. Энэ хөтөлбөрийн талаарх мэдээллийг уг хөтөлбөрийн зохицуулагч Ш.Мэндбаяраас (МУИС-ийн нэгдүгээр байр, 2 давхар, 210 тоот) авах боломжтой ба 317050 дугаарт холбогдож мэдээлэл авна уу.
Хөтөлбөрийн талаарх вебсайтад нийтлэгдсэн мэдээллийг (МУИС-ийн ГХХАХ-ийн бэлдсэн) https://news.num.edu.mn/?p=14925 англи хэл дээрх, https://news.num.edu.mn/?p=14929 монгол хэл дээрх линкээр орж үзэх боломжтой. Swap and Transfer хөтөлбөрийн веб сайтад орохыг хүсвэл энд дар.
ГХХАХ
