Япон улсын SWU-ээс (Showa Women’s University) та бүхнийг Япон хэлний эрчимжүүлсэн хөтөлбөрт оролцохыг урьж байна.
Хөтөлбөрийн үргэлжлэх хугацаа : 1 семестер буюу 5 сар
Сургалтын түвшин: Анхан болон дунд шатны Япон хэл
Энэ хөтөлбөрт Япон хэлний мэдлэгээ дээшлүүлэхийг хүсч буй солилцооны болон зочин оюутан, багш болон ажилтан оролцож болно. 15 долоо хоног үргэлжлэх энэ сургалт нэг долоо хоногт 4 өдөр явагдах ба 1 өдөрт хичээл 2 удаа 90 минутаар орно. Япон хэлний мэдлэгээс хамаарч оюутан Англи хэл эсвэл Япон хэл дээр ардын урлагийн хичээл үзнэ. Бичих, ярих, унших, сонсох гэсэн 4 үндсэн чадварыг олгох бөгөөд оюутнуудад Японы зан заншлын тухай хичээлүүд бас орно. Нэг ангид ойролцоогоор 10 орчим оюутан суралцана.
Оюутан хүсч буй бол Японы калиграфи, Гадны нүдээр Япон орон, бусад ардын урлагийн хичээл заалгаж, Япон оюутнуудтай тойрон аялал хийж болно.
Оюутан анхан, дунд шатны Япон хэлний мэдлэгтэй (N2-с дээш түвшний мэдлэгтэй) байх хэрэгтэй. Шаардлага хангаж байгаа бол Skype ашиглаж, оюутнаас ярилцлага авна. Ярилцлага 6 сарын сүүлээр эсвэл 7 сарын эхэнд явагдана.
Хөтөлбөрт суусан оюутныг 8 кредит цагийн хичээлд суусанд тооцох бөгөөд нэмэлт хичээл сонгож үзвэл кредит нэмж тооцно.
Хуваарь:
Япон улсад очих: 9 сарын 20-23
Баримжаа олгохуулзалт : 9 сарын 24-30
Хэлний хичээл: 2014 оны 10 сарын 1-ээс 2015 оны 2 сарын 9 хүртэл
Сонгож үзэх хичээл: 2015 оны 2 сарын дундуур
Оюутанд амжилттай төгссөний гэрчилгээ өгнө.
Төлбөр: 300,000 иен. Үүнд сургалтын төлбөр, тойрон аялал, харгалзах зардал орсон. Өрөөний зардал, нислэгийн зардал, даатгал, хот доторх тээврийн болон хувийн хэрэглээний зардал ороогүй.
Төлбөрийн 150,000 иенийг буцааж олгоно. Хөтөлбөрийн хугацаанд сар бүр 30,000 иенийг 5 сарын хугацаанд өгнө.
Япон айл /host family/ оюутныг Японы амьдралын хэв маяг, соёлыг мэдэхэд нь тусална.
Хөтөлбөрт бүртгүүлэх: Сургуулийн сайтаас маягтыг татаж авч Гадаад харилцаа, хамтын ажиллагааны хэлтэст 2014 оны 6 сарын 15-ны дотор бүрдүүлж өгнө. (Бүрдүүлэх материалын тухай мэдээллийгhttp://cie.swu.ac.jp/english/prospective/inter_program/ линкээс үзнэ үү. Сургуульд өгөх маягтыг http://cie.swu.ac.jp/files/2013/10/Intensive-Japanese-2014fall_Application-Form.pdf линкээс татаж авна уу.)
Хүлээн авагч болох SWU-аас хүлээн авч, суралцуулахыг зөвшөөрсөн бичгийг авна.
Япон улсын SWU (Showa Women’s University) нь 1920 онд байгуулагдсан,Токио хотын Сэтагаяад байрладаг, 5200 гаруй оюутантай их сургууль юм.
SWU-н Япон хэлний эрчимжүүлсэн хөтөлбөрт өнөөгийн байдлаар нийт 8 орны 56 гадаад оюутан сурч байна.
Холбоо барих:
И-мэйл: cie@swu.ac.jp
Энэ хөтөлбөрийн тухай дэлгэрэнгүй мэдээллийгwww.cie.swu.ac.jpвеб сайтаас авна уу.
Гадаад харилцаа, хамтын ажиллагааны хэлтэс: 317050
