МУИС-ийн Удирдах зөвлөлийн хуралдааны товч мэдээлэл
МУИС-ийн Удирдах зөвлөл 2022 оны 06 дугаар сарын 17-ны өдөр хуралдаж дараах шийдвэрийг гаргалаа.
Хэлэлцсэн асуудал:
- МУИС-ийн Удирдах зөвлөлийн дарга, нарийн бичгийн даргыг сонгох тухай.
- Дэд захирлуудын орон тоог хасаж, бүтэц орон тоог шинэчлэн батлах тухай.
- Монгол Улсын Их Сургуулийн 2022-2023 оны хичээлийн жилийн бакалаврын өдрийн хөтөлбөрт элсэгчдийн хяналтын тоог тогтоох тухай
Шийдвэрлэсэн нь:
- Монгол Улсын Их Сургуулийн Удирдах зөвлөлийн хуралдаанд оролцсон гишүүдийн 100 хувийн саналаар Боловсрол, шинжлэх ухааны яамны Дээд болон мэргэжлийн боловсролын бодлогын удирдлага, зохицуулалтын газрын дарга Х.Тамирыг Удирдах зөвлөлийн даргаар сонгож ажиллуулахаар тогтов.
- Монгол Улсын Их Сургуулийн Удирдах зөвлөлийн хуралдаанд оролцсон гишүүдийн 100 хувийн саналаар МУИС-ийн Хэрэглээний шинжлэх ухаан, инженерчлэлийн сургуулийн Мэдээлэл комьпютерийн ухааны тэнхимийн эрхлэгч, профессор Н.Оюун-Эрдэнийг Удирдах зөвлөлийн нарийн бичгийн даргаар сонгож ажиллуулахаар шийдвэрлэв.
- Монгол Улсын Их Сургуулийн захиргааны бүтцийн өөрчлөлтийг баталж, тогтоолын хэрэгжилтийг хангаж, сургуулийн хэвийн үйл ажиллагааг алдагдуулахгүйгээр ажиллахыг МУИС-ийн захирлын албан үүргийг түр орлон гүйцэтгэгч /Б.Очирхуяг/-д үүрэг болгов.
- Монгол Улсын Их Сургуулийн 2022-2023 оны хичээлийн жилийн бакалаврын өдрийн хөтөлбөрт элсэгчдийн хяналтын тоог 3720 байхаар тогтоов.
Loading...
Reload document 
Open in new tab 