МУИС-ийн Улаанбаатар сургууль дээр 2023 оны 2 дугаар сарын 28-ны өдөр “ШИНЖЛЭХ УХААН-ТАНИН МЭДЭХҮЙ” сэдэвт өртөөчилсөн сургалт амжилттай зохион байгуулагдлаа. Тус сургалтад БЗД-ийн ЕБС-ийн 30, 69, 14-р сургуулийн 12-р ангийн 400 гаруй сурагчид оролцож өөрсдийн сонирхсон асуултанд хариулт авч мэргэжил сонголтын талаар харилцан санал солилцов.
Тус сургалтаар:
- МУИС-ийн элсэлт, бүртгэлтэй холбоотой зөвлөгөө, мэдээлэл
- ЭЕШ-д сэтгэлзүйгээ хэрхэн бэлтгэх талаарх зөвлөгөө, мэдээлэл
- ЭЕШ-ийн даалгаварыг гүйцэтгэх хялбар аргын талаар зөвлөгөө, мэдээлэл
- Байгалийн ухааны салбарын сонирхолтой туршилтууд болон ирээдүйн ажил мэргэжлийн чиг хандлага, хэрэгцээ, шаардлагын талаар зөвлөгөө, мэдээллийг хүргэж, харилцан санал солилцсон сургалт болон өнгөрлөө.
Цаашид БЗД-ийн нийт 22 сургуулийн 12-р ангийн сурагчдад зориулан өртөөчилсөн сургалтыг зохион байгуулахаар төлөвлөн ажиллаж байна.
