МУИС-д анхны эрдэм шинжилгээний хурал зохион байгуулагдсаны 80 жилийн ойн хүрээнд “Шинжлэх ухаан, технологийн сэргэлт: Судалгааны их сургууль” олон улсын эрдэм шинжилгээний хурлыг 2024 оны дөрөвдүгээр сарын 23-25 өдөр МУИС-д зохион байгууллаа.
Тус тэмдэглэлт өдрийг тохиолдуулан МУИС-ийн Инженер, Технологийн Сургууль “Байгалийн нөөцийн инженерчлэл ба тогтвортой хөгжил” форум, ажлын байрны өдөрлөг, оюутан – багш судлаачдын бүтээлийн үзэсгэлэн, төгсөгчдийн дипломын ажлын танилцуулгууд, төрөл бүрийн модны үрсэлгээ, цэцгийн үзэсгэлэн худалдааг дөрөвдүгээр сарын 24-ний өдөр МУИС-ийн Багш, Оюутны Хөгжлийн Төв болон төвийн гадаа талбайд зохион байгууллаа.
Тус үйл ажиллагаанд 30 гаруй компани, аж ахуйн нэгж байгууллага, 130 орчим зочин төлөөлөгч, багш, оюутан оролцсон бөгөөд ирсэн зочид, оролцогчдын сэтгэгдэл өндөр байсныг дуулгахад таатай байна. Форум, үзэсгэлэн, ажлын байрны өдөрлөгийг зохион байгуулсан ажлын хэсэг, багш, ажилтнууд, гүн туслалцаа үзүүлсэн хамтран ажиллагч байгууллагууд, илтгэгч нартаа гүн талархал илэрхийлье.
