МУИС-ийн Урлагийн их наадам нь оюутнуудын бүтээлч сэтгэлгээ, гоозүйн мэдрэмж, багаар ажиллах ур чадвар, өрсөлдөх чадварыг нэмэгдүүлэх ач холбогдолтой, олон жилийн түүхтэй сургуулийн бахархал болсон арга хэмжээ билээ.
Урлагийн наадамд:
- Шинжлэх ухааны сургуулийн Байгалийн ухааны салбар
- Шинжлэх ухааны сургуулийн Нийгмийн ухааны салбар
- Шинжлэх ухааны сургуулийн Хүмүүнлэгийн ухааны салбар
- Бизнесийн сургууль
- Хууль зүйн сургууль
- Улс төр судлал, олон улсын харилцаа, нийтийн удирдлагын сургууль
- Инженер, технологийн сургууль
- Мэдээллийн технологи, электроникийн сургуулийн оюутан залуус оролцов.
МУИС-ийн есөн бүрэлдэхүүн, салбар сургуулийн нийт 300 гаруй оюутан оролцож авхаалж самбаа, авьяас чадвараа сорин өрсөлдлөө.
Урлагийн их наадмын шүүгчээр МУСТА дуучин Э.Болор-Уянга, “Voice of Mongolia” шоуны шилдэг оролцогч Г.Даваадалай, Хүн театрын бүжигчин А.Жамьяансүрэн нар шүүгчээр ажилсан юм.
Бүрэлдэхүүн сургууль тус бүрийн “Оюутны урлагийн бага наадам”-аас шилэгдэн шалгарсан оюутнуудын үзүүлбэрүүд Урлагийн их наадамд оролцдог. Үзүүлбэр бүр үзэгчдийн таашаалд хүрч, мэргэжлийн түвшний дуучин, жүжигчнээс дутахааргүй авьяас чадвартай байсныг тэмцээний шүүгчид онцлов.
МУИС-ийн авьяаслаг оюутан залуус гоцлол дуу, ардын болон язгуур урлаг, хөгжим, цэнгээнт бүжиг, хамтлаг бүжиг (чөлөөт) гэсэн 5 төрлөөр өрсөлдөж, нийт багийн дүнгээр дараах сургуулиуд шагналт байруудыг эзэлж, өргөмжлөл мөнгөн шагналын эзэд боллоо.
Тэргүүн байр: Шинжлэх ухааны сургуулийн Байгалийн ухааны салбарын баг
Дэд байр: Улс төр судлал, олон улсын харилцаа, нийтийн удирдлагын сургуулийн баг
Гутгаар байр: Бизнесийн сургуулийн баг
Гоцлол хөгжим:
- Тэргүүн байр: УТСОУХНУС
- Дэд байр: ШУС-ийн Байгалийн ухааны сургууль
- Гутгаар байр: ШУС-ийн Хүмүүнлэгийн ухааны сургууль
Хамтлаг бүжиг (цэнгээнт)
- Тэргүүн байр: УТСОУХНУС
- Дэд байр: ШУС-ийн Байгалийн ухааны сургууль
- Гутгаар байр: Бизнесийн сургууль
Ардын болон язгуур урлаг
- Тэргүүн байр: УТСОУХНУС
- Дэд байр: ШУС-ийн Байгалийн ухааны сургууль
- Гутгаар байр: МТЭС
Чөлөөт бүжиг
- Тэргүүн байр: Бизнесийн сургууль
- Дэд байр: УТСОУХНУС
- Гутгаар байр: ШУС-ийн Нийгмийн ухааны сургууль
Гоцлол дуу:
- Тэргүүн байр: МТЭС
- Дэд байр: ШУС-ийн Нийгмийн ухааны сургууль
- Гутгаар байр: ШУС-ийн Байгалийн ухааны сургууль тус тус шилдэгээр шалгарав.
МУИС-д суралцаж буй 21.000 гаруй оюутнаас өөрсдийн авьяас чадвараараа шалгарч манлайлан оролцож, үлгэр дуурайлал болсон наадмын оролцогч бүрт халуун баяр хүргэж, амжилт хүсье.
ОЮУТНЫ ХӨГЖЛИЙН ГАЗАР
